netlögga!!!

Fróðlegt færi að fá upp hvernig VG hafa hugsað sér að framkvæma þessa sorteringu eða takmörkun á netumferð til landsins. Það kanski er hugmynd þeirra um nýsköpun í atvinnulífinnu að stofna stórt apparat þar sem menn og væntanlega konur, jú því náttúrlega verða karl og kvennmenn að vera 50% hvort kynið, sitja sveitt og skoða alla netumferð til og frá landinu, hvernig sem það yrði framkvæmt.

Eða vilja þeir setja á síur sem sía út síður sem innihalda óæskileg orð, t.d sex og þessháttar, þá fer að vísu stór hluti af sænskum síðum út, þar svíar eins og íslendingar nota sex sem töluorð. Allar fréttasíður sem fjalla um bannað efni eins og klám og þessháttar hverfa vitanlega, alfræðisíður sem skrifa um sex og önnur bannfærð orð, allar einkasíður þar sem fólk í "slysni" setur inn bannfært orð............. verður mikið eftir til að skoða?

Kanski á bara að loka á alla servera sem hýsa klámsíður og annað efni sem vg er í mót, en hvers eiga þeir saklausu að gjalda, þeir sem eru með síður sem eru fullkomlega saklausar, en eru vistaðar á sama server og klámsíða.

Kanski þeir vilji bara fara "alla leið" og banna netnotkun alfarið, og síðan geti menn kanski sótt um undanþágu frá banninu, geti maður sannað að maður sé saklaus. Því vitanlega inniheldur svona tillaga frá Steingrími J að allir séu örugglega sekir og því verði að takmarka aðgang allra að netinu.